Aisling Ghéar

Is í Aisling Ghéar an t-aon chompántas proifisiúnta amharclainne in Éirinn a shaothraíonn go lánaimseartha chun scoth na léirithe a chur ar fail i nGaeilge. Tá sé lonnaithe i mBéal Feirste, i gCultúrlann McAdam Ó Fiaich – ionad ealaíon agus cultúir ina bhfuil Amharclann Siobhán Nic Cionnaith.

Bunaíodh an compántas in 1997 agus ó shin i leith, léirigh sé agus thug ar chamchuairt saothair d’ardchaighdeán le húdair chomh héagsúil le Machiavelli, WB Yeats, Tom Murphy, Biddy Jenkinson, Eugene Ionesco, Samuel Beckett, Eoghan Ó Tuairisc, Brian Friel, Dario Fo agus Willy Russell. Cuid bhuan den fhéilire scoile anois é ár léiriú ardmholta de 'An Triail' le Máiréad Ní Ghráda, léiriú ar taca é ag múinteoirí chomh maith le bheith ina eispéireas amharclainne ardchaighdeáin do scoláirí A-leibhéil.

Tá muid tiomanta don scríbhneoireacht nua Ghaeilge agus go dtí seo, d’fhorbair muid agus léirigh 8 ndráma úra don stáitse.

Teagmháil:

Bríd Ó Gallchoir - Stiúrthóir Ealaíne
Carrie-Anne McAlonan McCrudden - Bainisteoir Ginearálta